Reacciones de hidroarilación e hidroalcoxilación de alquinos catalizadas por indio (III)aplicaciones en la síntesis de 2H-cromenos, 1,2-dihidroquinolinas y benzo[b]furanos

Resumo

Nesta memoria de Tese Doutoral recóllese o traballo de investigación realizado sobre reaccións de hidroarilación, hidroaminación e hidroalcoxilación intramolecular de alquinos catalizadas por indio(III) e a súa utilidade para a preparación de compostos heterocíclicos. En primeiro lugar, estudouse a formación de enlaces carbono–carbono en reaccións de hidroarilación intramolecular rexioselectiva de aril proparxil éteres. Ademáis, desenvolvéronse procesos secuenciais de hidroarilación catalizada por indio(III)–acoplamento cruzado catalizada por paladio onde ten lugar a formación de dous enlaces carbono–carbono en “one-pot”. Finalmente, estudáronse reaccións de cicloisomerización en cadea 6-endo de diínos derivados de aril proparxil éteres proporcionando nafto[c]cromenos empregando únicamente 5 mol% do catalizador de indio(III). Nun segundo capítulo da Tese, estudouse a formación de enlaces carbono– nitróxeno e carbono–osíxeno en reaccións de hidroaminación e hidroalcoxilación intramoleculares catalizadas por indio(III) permitindo o acceso a heterociclos nitroxenados e osixenados como 1,2-dihidroquinolinas, isoquinolinas, indoles e benzo[b]furans de maneira rexioselectiva.