Infección nosocomial en el postoperatorio inmediato del trasplante cardiacofactores de riesgo y tendencia temporal

Resumo

OBXECTIVOS: O obxectivo principal deste traballo é identificar factores de risco para o desenvolvemento da infección precoz postoperatoria, antes da alta hospitalaria, tras un TC e desenvolver un modelo predictivo multivariable que permita sinalar o risco de infección nestes pacientes. MÉTODOS: Realizouse un estudo unicéntrico, observacional e retrospectivo, considerando a infección nosocomial postoperatoria como a variable dependente. Como variables independentes, recolléronse características demográficas e epidemiolóxicas de doante e receptor, condicións cirúrxicas e eventos perioperatorios. Levouse a cabo unha análise mediante regresión loxística para identificar os posibles factores de risco. RESULTADOS: Incluíronse 677 trasplantados, con 348 episodios de infección postoperatoria en 239 pacientes. Identificáronse sete variables independentes como predictores da infección precoz postoperatoria: os antecedentes de diabetes mellitus e esternotomía previa, a VMI preoperatoria, o fracaso primario do enxerto, o sangrado cirúrxico excesivo e o emprego de MMF e itraconazol. Seguindo estes resultados, deseñouse unha escala para identificar o risco de infección nosocomial postoperatoria. CONCLUSIÓNS: A infección nosocomial no postoperatorio inmediato do TC é frecuente. A diabetes mellitus, esternotomía previa, a VMI preoperatoria, o fracaso primario do enxerto, o sangrado cirúrxico excesivo e o emprego de MMF e itraconazol identificáronse como factores de risco independentes da infección precoz postoperatoria.