Intervenciones no farmacológicas en demenciadesde la prevención al tratamiento
- Ana Maseda Director
- José Luis Rodríguez-Villamil Fernandez Director
Universidade de defensa: Universidade da Coruña
Fecha de defensa: 03 de maio de 2024
- Mar Castellanos Rodrigo Presidenta
- David Facal Mayo Secretario
- Mercedes Montenegro Peña Vogal
Tipo: Tese
Resumo
A demencia require un abordaxe integral que inclúa prevención, diagnóstico correcto e temperán, tratamento adecuado, e asignación eficiente de recursos. Para o seu manexo, recoméndase priorizar inicialmente intervencións non farmacolóxicas debido á ausencia de efectos adversos e á crecente evidencia dos seus beneficios. O obxectivo xeral desta tese consiste en profundar acerca do efecto de diferentes intervencións non farmacolóxicas (estimulación multisensorial, musicoterapia, luminoterapia, xadrez terapéutico e realidade virtual) sobre os síntomas psicolóxicos e de conduta (SPCD) e o funcionamento cognitivo en persoas maiores sen deterioro, con deterioración cognitiva leve ou demencia. Os estudios desenvolvidos consistiron en dúas revisións sistemáticas e tres estudos experimentais. Os principais resultados obtidos indican que a estimulación multisensorial, a musicoterapia e a luminoterapia proporcionan efectos positivos para controlar os SPCD, mentres que o programa de intervención con xadrez revelou unha mellora significativa do estado cognitivo. A realidade virtual mostrou potencial como ferramenta preventiva, diagnóstica e de tratamento fronte á deterioración cognitiva ou demencia. Aínda que son necesarias futuras investigacións para reforzar estes resultados a fin de xeneralizar a aplicación destas intervencións na práctica clínica, concluímos que as intervencións estudadas poden exercer efectos beneficios sobre os SPCD e o funcionamento cognitivo en persoas maiores.